طريقة عمل ثلاث انواع من الكباب والكفتة بالصور
طريقة عمل ثلاث انواع من الكباب والكفتة بالصور | recipe |
how to make a kebabs and kofta |
ثلاث انواع من الكباب او الكفته
اول نوع الكباب بريحة المشوي والنوع ده ذي الجاهز بالظبط مع فارق نظافة البيت طبعا
المقادير:
كيلو لحم مفروم وطازج
بصلة كبيرة
3 فص ثوم+ قليل من الكسبرة والشبت
2 م ك صلصة الباربكيو المدخنة
ملح + فلفل اسود مجروش+ هيل مطحون+ رشة قرفة مطحونة
الطريقة
نفرم البصلة مع شوية ملح في المفرمة ونسيبها شوية حتي يخرج منها الماء ثم نعصر البصل من الماية كويس ونحط البصل فقط ع اللحم مع باقي الإضافات ثم تفرم كل المكونات مع بعض حتي تتجانس
بقولكوا اية الصور توضح اكثر
هنا كل المكونات مع بعض
وهنا نفرمهم مع بعض في المفرمة
وده شكلها
ثم نشكلها علي السيخ او علي يد المعلقة الخشبية عشان تكون مجوفة من الداخل
ثم نرصهم في صينية تيفال ونصب عليها ماء البصل مع مراعاة عدم اضافة ولانقطة ماء لان هي هاتخرج سوائلها ولما تستوي نكون مولعين قطعة فحم ونضع في فنجان قطعة زبدة ونضع فوقها الفحم عشان يديكي طعم المشوي
ثم نعلي عليها النار حتي تحمر قليلا وتنشف من السوائل وتقدم
والصراحة النوع ده من الكباب اللي بحب اقدمة في ساندويتش
بنضع الكفتة في الصامولي مع كاتشب ومايونيز وبقدونس اخضر طازج وكمان شرايح من البصل الابيض وشرائح طماطم وبالتأكيد شوية شطة سائلة ( ياسلام ساندويتش رووعه والطعم خياال)
وممكن تقدميها مع مكرونة
النوع الثاني
كفتة البقسماط
المقادير:
كيلو ونصف لحم مفروم
كوب بقسماط
كسبرة وشبت طازج
بصلة كبيرة
4 فصوص ثوم
بيضة
ملح وفلفل اسود وهيل مطحون ورشة قرفة وفلفل احمر باربكيو
الطريقة
نضع كل المكونات مع بعض
ثم نضع البقسماط
ثم نفرم كل المكونات مع بعض ف المفرمة
ثم نشكلها اصابع
ثم نحمرها في الزيت
وبعد كدة نضع قطعة زبدة في حلة ع النار ثم الكفتة ثم نضيف حوالي كوب من المرق مع قطعة ماجي ونتركها ع النار حوالي ثلث ساعه مع التقليب
ودي النتيجة
( النوع الثالث كفتة الرز)
المقادير:
كيلو لحم مفروم
اقل من نصف كيلو رز مصري مطحون
شبت وكسبرة طازجة
بصلة وثوم
ملح وبهارات
الطريقة مثل السابق نخلطهم كلهم في المفرمه
ثم يشكل اصابع ويحمر
ثم نشوح شرايح ثوم في شوية زيت ثم نضيف عصير الطماطم
ومكعب ماجي وفلفل اسود وكمان ذوقي الملح ولما تتسبك الطماطم نضيف الكفتة ونتركها علي النار حتي تستوي وتندمج مع صوص الطماطم
والصراحة دي افضل نوع عندي وبحب اقدمها مع رز حبة وحبة يعني بحمر شوية رز الاول ثم نضيف باقي الرز
وبيطلع عندك واحدة لونها بني خفيف والتاني لونها ابيض
وهذا شكله
ولاتحرموني من دعواتكم
الحمد لله الذي أطعمنا وسقانا وكفانا وآوانا فكم ممن لا كافي له ولا مأوي
مواضيع مشابهة:
اقتباس
